Вооружените сили на Украина објавија дека загубиле околу половина од својата воена опрема за време на борбите.
Заменикот-министер за одбрана Володимир Карпенко појасни дека станува збор само за тешкото вооружување.
„Денеска имаме околу 30-40 отсто, а понекогаш и до 50 отсто од загубата на опрема како резултат на активни битки. Значи изгубивме околу 50 отсто“, беше цитиран Карпенко од украинското издание Лига.
Како што информираше, Украинците трпат загуба од околу 1.300 пешадиски борбени возила, 400 тенкови и 700 артилериски системи, додека испораките на оружје од западните земји покриваат до 15 отсто од потребите на Украина.
„Ни треба артилерија, потребна ни е артилериска муниција, борбени возила за пешадија, борбени возила, тенкови. Навистина ни требаат системи за противвоздушна одбрана и ракетни гранати“, рече тој.
