Црна Гора ќе продолжи да ѝпомага на Украина во ова тешко време и хуманитарна катастрофа, изјави црногорскиот премиер Дритан Абазовиќ во Киев.
Тој во Киев пристигна со неговиот албански колега Еди Рама, а како што потсетуваат од „Подгорица њуз“, Абазовиќ заминал во главниот град на Украина на покана на претседателот на таа земја, Володомир Зеленски.
„Пристигнавме во Киев со Еди Рама, за да обезбедиме искрена поддршка на своите граѓани во одбраната на правото на слобода. Црна Гора ќе продолжи да ѝ помага на Украина во ова тешко време и хуманитарна катастрофа“, напиша Абазовиќ на Твитер.
