Германската министерка за внатрешни работи Ненси Фезер вели дека Германија почнала да работи на зајакнување на системот за јавно засолниште, како и на складирање залихи во случај на војна.
Војната во Украина го натера германскиот канцелар Олаф Шолц да ги зголеми инвестициите во одбраната на земјата и да додаде 100 милијарди евра во воениот буџет.
Министерот Фезер за германскиот весник „Велт ам Зонтаг“ изјави дека германската влада исто така работи на подобрување на системот за јавно засолниште и дека ќе го зголеми буџетот за цивилна заштита.
„Во моментов има 599 јавни засолништа во Германија. Ќе видиме дали можеме да подобриме повеќе од тие системи“, рече Фезер.
Таа додаде дека Германија работи на нови концепти за приспособување на подземните паркиралишта, станиците на подземната железница и подрумите во потенцијални засолништа и дека германската влада издвоила 88 милиони евра за поставување нови сирени.
Фезер истакна и дека се прават залихи на медицинска опрема, заштитна облека, маски и лекови.
