Руските и украинските преговарачи денеска започнаа разговори лице в лице во Истанбул, јави официјалната турска новинска агенција, а турскиот претседател Реџеп Таип Ердоган ги повика да „да стават крај на оваа трагедија“.
Разговорите лице в лице во палатата Долмабахче во Истанбул имаат за цел обид да се стави крај на војната во која се проценува дека се убиени околу 20.000 луѓе, а повеќе од 10 милиони протерани од нивните домови.
– Двете страни имаат легитимна загриженост. Можно е да се постигне решение прифатливо за меѓународната заедница, рече Ердоган.
– На овие две страни е да се стави крај на оваа трагедија – инсистираше тој, додавајќи дека „продолжувањето на конфликтот не е во ничиј интерес“.
Тој додаде дека целиот свет чека добри вести од нив.
Турскиот министер за надворешни работи Мевлут Чавушоглу во вторник требаше да се сретне и со украинската и руската делегација.
Rusya – Ukrayna Müzakere Heyetleri Toplantısı https://t.co/9YJ222RWlw
— Recep Tayyip Erdoğan (@RTErdogan) March 29, 2022
