Градоначалникот на украинскиот град Мариупол, Вадим Бојченко изјавил дека околу 160.000 луѓе сакаат да го напуштат градот кој е под опсада на руската армија, пренесува Анадолија.
– За жал, во градот Мариупол се уште има голем број луѓе. Бројката е поголема од 100.000. Според нашите проценки, околу 160.000 цивили се во опколениот град Мариупол, изјави Бојченко за националната телевизија.
Истакнувајќи дека сега е невозможно да се остане и живее во Мариупол, во градот нема струја, греење, вода и телефон, Бојченко го опиша како „геноцид на руската армија врз граѓаните на Мариупол“.
Бојченко истакна дека Русија, иако вети дека ќе отвори хуманитарен коридор, всушност тоа го спречи.
