Градоначалникот на Виена, Михаел Лудвиг, посочува дека одлуката на австриската влада да ги откаже речиси сите епидемиолошки мерки е грешка и најави дека главниот град ќе продолжи со построг тек.
„Бројот на новозаразени достигна апсолутен рекорд. Укинувањето на мерките беше грешка. Секогаш предупредувавме за тоа“, изјави Лудвиг преку Твитер.
Тој побара од новиот министер за здравство Јоханес Рауч да дејствува.
„Побарав од новиот министер сериозно да размисли за големиот број новозаболени и за настанатата многу тешка состојба“, подвлече Лудвиг, кој ја критикуваше владината одлука за привремено прекинување на примената на Законот за задолжителна вакцинација.
Спонзорирано:
