Романски хеликоптер, испратен во операција за потрага и спасување на воен авион МиГ-21 ЛансР, се урна во близина на брегот на Црното Море.
Сите пет војници кои биле во хеликоптерот починале, изјави Константин Спину, портпарол на романското Министерство за одбрана.
Пилотот на хеликоптер IAE 330-Puma пријавил лошо време и бил повикан назад во базата пред падот, соопшти Министерството.
Хеликоптерот е пронајден на 11 километри од аеродромот.
Министерот за одбрана Василе Динку изрази сочувство до семејствата на загинатите војници и додаде дека потрагата по пилотот на авионот Миг 21 е во тек.
Пред оваа трагедија, воен авион МиГ-21 изгубил контакт со контролната кула. Потрагата по авионот, кој последен пат беше регистриран на радарските екрани северно од Констанца, се уште трае, а засега нема информации за состојбата на пилотот или авионот.
фото Pixabay