6.8 C
Скопје
9. декември 2021
Centar.mk – Вести, бизнис, забава, спорт…
Свет ТОП ВЕСТИ

Почина детето кое беше повредено во божиќната парада во САД, бројот на загинати и повредени се зголеми

Детето (8) кое беше повредено во масакрот извршен на божиќната парада во Висконсин, почина од повредите.

Возачот сега е обвинет за шест убиства, пишуваат американските медиуми.

Дарел Брукс (39) е обвинет за убиство на шест и повредени 62 лица за време на парадата во неделата.

На сослушувањето на обвинетиот, беше истакнато дека тој нагло забрзал и одеднаш свртел лево во толпа учесници на парадата, дури и откако полицаец тропнал на вратата од неговиот теренец и му кажал да застане.

Брукс е обвинет за убиство со умисла од прв степен. Неговата кауција беше одредена на 5 милиони долари.

Судскиот комесар му одреди на Брукс толку висока кауција откако Окружното обвинителство во Милвоки го ослободи на 11 ноември со кауција од 1.000 американски долари, иако против него имаше и други обвиненија.

Друг дел од неговата криминална историја се појави на сослушувањето во вторникот, кога властите открија дека тој е регистриран сексуален престапник во Невада, осуден во 2006 година за оплодување на 15-годишно девојче. Тој избегна кауција во 2016 година, откако беше уапсен поради непочитување на законот за сексуални престапници, пренесуваат агенциите.