Пожар избувна во една од просториите на одделението COVID во болницата „Медика Русе“ утрово во 04,00 часот во градот Русе, Бугарија.
Инцидентот бил предизвикан од пациентка ставена на двоен извор на кислород, која ја симнала маската. После тоа, жената зела запалка, со која почнала да бара предмет што недостасува под креветот. Близината на огнот со кислород ја запали маската и предизвика пожар.
Благодарение на брзата и соодветна реакција на дежурниот тим составен од лекар, две медицински сестри и болничар, пожарот брзо беше локализиран преку апаратите за гаснење пожар во медицинската установа и вода. Пациентот од следниот кревет исто така помогна со навремена реакција, и таа веднаш го повлече јажето на алармниот систем за комуникација со персоналот.
Во собата се изгорени дел од креветите, ѕидовите и апаратите. Четворицата пациенти примени за лекување во собата не беа засегнати. Персоналот ги однел во други простории и моментално се во стабилна состојба, пишуваат бугарските медиуми.
