Најмалку две лица загинаа, а тројца се повредени во земјотрес со јачина од 6,0 степени во провинцијата Сечуан во југозападна Кина, јавија државните медиуми.
Според Ксинхуа, земјотресот се случил во округот Лучијан на длабочина од 10 километри.
Според извештајот на агенцијата, некои куќи биле урнати, а акцијата за спасување е во тек.
Властите соопштија дека активирале одговор од втор степен, втор највисок одговор на итни случаи во Кина.
Според Ројтерс, градот Лужоу го активирал првиот степен на одговор при итни ситуации.
Земјотреси често се случуваат во западна Кина.
Сечуан беше погоден од земјотрес со јачина од 7,9 степени во мај 2008 година, во кој загинаа речиси 90.000 луѓе.
Спонзорирано:
