Во Германија потрошувачката на вода се зголемила минатата година поради пандемијата.
Како што се наведува, дневно се потрошени 129 литри на жител, што е за четири литри повеќе од претходната година, објави германското водостопанство БДЕВ.
„Работата од дома, ограничниот контакт и недостигот на патувања доведоа до тоа граѓаните да поминуваат повеќе време дома и да трошат повеќе вода“, изјави директорот на БДЕВ, Мартин Вајанд, додавајќи дека тие ги мијат рацете почесто и подолго.
Исто така, домаќинствата трошеле повеќе вода бидејќи помалите бизниси, како што се рестораните, ја намалиле нивната потрошувачка поради мерките за заклучување.