Пет нови потреси во Хрватска по разорниот земјотрес од 6.3 степени според Рихтер. Два од нив се во градот Петриња, каде има загинати и повредени лица.
Најсилниот автершок е со јачина од 4.5 степени според Рихтер со епицентар во Сисак. Овие градови се без струја, а не работат ниту телефонските линии. Под рушевините се бараат затрупаните луѓе, а досега е пријавена една жртва во Петриња.
Во изјавата за земјотресот во Петриња што се случи околу 12:20 часот, градоначалникот Даринко Думбовиќ рече дека половина град е уништен и побара итна помош да биде испратена во градот.
Според хрватските медиуми, 6 милиони луѓе го осетиле разорниот земјотрес. Најтешка е ситуацијата во Петриња, каде се одвива и спасувачката акција.
