Праведен пристап до вакцините во светот е во интерес на секоја земја, рече директорот на Светската здравствена организација, Тедрос Гебрејесус, и додаде дека трупањето вакцини во некои земји може само да ја продолжи пандемијата.
„Национализмот поврзан со вакцинацијата ќе ја продолжи пандемијата, нема да ја скрати“, рече тој на Парискиот мировен форум предупредувајќи дека вирусот ќе продолжи да се шири и економското закрепнување ќе се забави на глобално ниво доколку луѓето во сиромашните земји не може да се вакцинираат.
„Некои земји купуваат повеќе вакцини однапред, во количини двојно поголеми од бројот на жителите, што ја загрозува достапноста на вакцините во другите земји“, додаде Тедрос, пренесува „Хина“.
Спонзорирано:
