Основачот и сопственик на „Твитер“, Џек Дорси, ќе даде 1 милијарда американски долари за борба против пандемијата на коронавирус.
Во серијата објавувања на „Твитер“, тој рече дека тој износ е 28 проценти од неговиот имот. За да ја достигне таа сума, тој постепено ќе продава акции на неговата друга компанија „Сквер“, која е специјализирана за дигитални плаќања.
„Кога се бориме против пандемијата, ќе ги пренасочиме парите кон здравството, образованието и универзалниот доход“, додаде милијардерот, чие богатство според „Форбс“ се проценува на 3,3 милијарди долари.
Тој гледа можно решение за проблемот со кој се бори целиот свет.
Како што рече, еден од нив е токму основниот еднаков приход, односно универзалниот приход, кој станува сè позначаен во време кога луѓето ги губат работните места.
„Тоа е генијална идеја која треба да се испита“, додаде тој.
Планот за исплата што го објави покажува дека првите 100.000 американски долари се наменети за американскиот Фонд за храна.
„Се надевам дека ова ќе ги поттикне и другите. Животот е краток, па ајде да сториме сè што можеме за да им помогнеме на луѓето веднаш“, рече сопственикот на „Твитер“.
