Спасувачките екипи трагаат по воен хеликоптер што паднал во Јадранското Море.
Несреќата се случила недалеку од Шибеник на подрачјето меѓу Заблаќ и Зларин, а, според хрватските медиуми, станува збор за хеликоптер „кијова ОХ-58 Д“ што се урнал за време на тренажен лет.
„Ве известиме дека во 11:06 часот е примена дојава во полициската управа дека паднал хеликоптер помеѓу Заблаќ и Зларин“, соопшти хрватската полиција.
Веднаш по дојавата, на местото на настанот биле испратени два брода на Дирекцијата за поморска полиција заедно со полицајците од другите полициски оддели, а за инцидентот биле известени сите други служби.
Зларин се наоѓа југозападно од Шибеник. Засега не е познато колку лица се наоѓале во авионот, ниту, пак, што ја предизвикало несреќата./Makfax
