Во кривичниот суд денеска треба да продолжи судењето за убиството на дваесетгодишниот Никола Саздовски, за што обвинети се Бесир Беља и Скендер Демири.
Беља и Демири се во притвор во затворот во Шуто Оризари, а за третоосомничениот, кој сè уште е недостапен за органите на прогонот, е распишана домашна и меѓународна потерница.
На 7 февруари беше извршна реконструкција на убиството на Саздовски во присуство на сведоци и вештаци. Реконструкцијата траеше три часа на автобуската станица во Автокоманда под големо полициско обезбедување.
Претходното рочиште за убиството на членот на навивачката група „Комити“ на 28 февруари беше одложено поради недоставените списи од дополнителното вештачење.
