Шестместмесечно бебе заболено од мали сипаници починало утринава на Клиниката за инфективни болести, соопшти министерот за здравство, Венко Филипче, за време на посетата на Клиниката за неврологија, каде беше придружуван од премиерот Зоран Заев.
Како што посочи министерот, бебето имало компликација на белите дробови и не било вакцинирано.
„Прво било лекувано во болницата во Козле, а после префрлено на Инфективната клиника каде докторите за жал неможе да се справат со компликациите“ рече Филипче при посетата на Клиниката за неврологија.
Според изјавата на министерот, уште две деца се во потешка, но стабилна здравствена состојба. Како што рече, тие имаат сериозно воспаление на белите дробови, но виталните параметри засега им се стабилни и не во состојба опасна по живот.
