Претседателот на Европскиот совет, Доналд Туск, изјави дека постои посебно место во пеколот за оние кои го промовирале брегзит, дури и без скица од план за тоа како да го изнесат безбедно.
Неговиот коментар следи по средбата со ирскиот премиер, Лео Варадкар, во Брисел. Тој рече дека ЕУ ќе инсистира на ирската поддршка во секој договор со Британија за излегување од Унијата. Тој и Варадкар се подготвуваат за можно фиаско, за непостигнување договор за брегзит.
„Знам дека сè уште голем број луѓе во Британија и на континентот, исто така и во Ирска, посакуваат укинување на оваа одлука. Секогаш сум бил со вас, со сето мое срце“, рече Туск.
Спонзорирано:
