ВМРО-ДПМНЕ, партијата симбол на Сваровски-судството, е навикната да врши притисоци, да им се заканува и да им диригира на обвинителите и судиите како да работат, како што тоа го правеше за време на 11-годишното криминално владеење. Таквото време на притисоци, закани, уцени, нарачани предмети и пресуди заврши со заминувањето на ВМРО-ДПМНЕ, соопшти СДСМ.
Според партијата, денес, обвинителствата и судовите работат професионално во заштита на законите и во интерес на граѓаните. Секој што постапувал незаконски, ќе одговара за своите постапки, никој не е и нема да биде над правдата.
„Антинародното раководство на ВМРО-ДПМНЕ предводено од Христијан Мицкоски треба да престане со заканите и да ги остави обвинителските и судските органи да ја вршат својата работа професионално, независно и ослободени од секакви притисоци“, се додава во соопштението.
