Одложувањето на брегзит сега е неизбежно, рече поранешниот премиер Тони Блер откако британските пратеници го отфрлија договорот на Тереза Мај за повлекување на Велика Британија од Европската Унија.
„Тоа е неизбежно, што и да се направи. Сега да сум во владата, јас веќе би разговарам со Европа за условите за продолжувањето”, рече Блер во радиоинтервјуто за „Би-би-си“.
Во исто време водачот на Конзервативната партија на премиерката Тереза Меј – Брендон Луис, во четвртокот изјави дека Велика Британија не може да остане во сегашната царинска унија со Европската Унија, бидејќи, како што рече, сега е приоритет да се склучат меѓународни трговски договори по брегзит.
Луис рече дека високи членови на владата и на Долниот дом ќе се состанат в четврток, во обид да најдат компромисен договор за брегзит.
Но, тој го исклучи останувањето во царинската унија и уште еден референдум за напуштање на ЕУ.
