Седумнаесет лица загинаа во сообраќајна несреќа во Етиопија кога автобусот во кој се превезувале паднал во бездна. Несреќата се случила во етиопската покраина Западна Омонија, меѓу градовите Шамбу и Некемте. Во несреќата загинале и возачот и неговиот помошник, а агенциите јавуваат дека има и повредени пешаци.
Десалегн Тефера, шеф за односи со јавност на канцеларијата за комуникации, соопшти дека сообраќајната несреќа се случила во неделата вечерта кога возачот изгубил контрола и автобусот излетал од патот.
Тефера рече дека полицијата утврдила оти причината за сообраќајната несреќа е што автобусот превезувал поголем број патници од предвидениот капацитет. Во моментот кога се случила несреќата во автобусот се превезувале 45 лица.
Сообраќајните несреќи во Етиопија се многу честа појава, а како причини за тоа се наведуваат лошите патишта, системот за издавање возачки дозволи и слабото спроведување на правилата за безбедност во сообраќајот.
