– Кога си далеку од проблемите, на 800км од Македонија лесно е на социјалните мрежи да кажуваш што е лесно а што не е, при тоа амнестирајќи се од сите проблематични одлуки за кои секогаш одговорен е некој друг и игнорирајќи ја реалноста дека Македонија е таму каде што е денес, меѓу другото и заради бројните испуштени шанси во минатото, му порача екс министерката за внатрешни Гордана Јанкуловска на Никола Груевски.
Претходно екс премиерот Груевски се огласи до подолг фејсбук статус и ги повика пратениците да се премислат за утрешното гласање за Уставни измени.
Груевски е бегалец и осуденик во случајот Тенк на СЈО на две години затвор поради набавката на мерцедес с600 вреден 580 илјади евра. Побегна од Македонија пред точно два месеци за да ја избегне казната.
https://www.facebook.com/94770791681/posts/10155705390956682/
