Властите на Јужна Кореја почнаа да го уриваат најголемиот комплекс за колење кучиња во таа земја. Комплексот „Таепџеонг-донг“, во јужното предградие на Сеул, има најмалку шест специјализирани кланици и важи за најголемиот доставувач на кучешко месо во Јужна Кореја.
Комплексот треба да биде урнат за два дена. Според планот, на негово место треба да се изгради парк.
Кучешкото месо е дел од кулинарската традиција на Јужна Кореја, каде што годишно се јадат околу еден милион кучиња.
Во последните години расте бројот на Јужнокорејците што кучињата ги сметаат за пријатели, а не за домашни животни што ги одгледуваат за исхрана.
