Преубав десерт за кој ви е потребно малку време. Можете да го подготвувате со овошје по желба, а ние ви донесуваме рецеп со кајсии.
Состојки:
- 1 кг исчистени кајсии
- 3 лажици кафеав шеќер
- 150 гр овесни снегулки
- 100 гр брашно
- 100 гр путер
- 100 гр кафеав шеќер
- 1 лажица мед
Начин на подготовка:
Загрејте ја рерната на 180 степени. Кајсиите преполовете ги. Наредете ги на дно на сад и посипете ги со кафеав шеќер.
Измешајте брашно, овесни снегулки и шеќер. Додајте парчиња путер и истиснете ги со прстите да се направат трошки. Додајте мед и направете трошки. Посипете ја смесата рамномерно по кајсиите.
На крај сè прелијте со 2 лажички мед, пред да го ставите десертот во рерна.
Печете во загреана рерна околу 35-40 минути. Кога горниот слој ќе добие златна боја, десертот е готов.
Послужете топло со сладолед од ванила.
Уживајте!