Совршена комбинација на лук, сланина и леб…
Состојки:
8 парчиња леб
100 мл маслиново масло
1 главица лук
сол
200 гр чадена сланина
100 гр кајмак
Начин на подготовка:
Исчистете главица лук и исечкајте на што поситни парчиња. Во чинија ставете маслиново масло и исечкан лук, додајте малку сол.
Потоа исечете го лебот на парчиња и натопете ги парчињата во маслиновото масло и лукот, но само од едната страна.
Исечкајте ја сланината на тенки парчиња.
На еден поголем плех ставете алуминиумска фолија па на неа наредете ги парчињата леб натопени во маслиново масло и лук, покрај нив ставете сланина на алу фолија.
Печете во загреана рерна 15 минути на 200 степени.
Извадете од рерна и послужете така што на парчињата леб ќе ставите крцкава сланина, а можете да додадете и по една лажица кајмак.
Добар апетит!
