Сакате луто, сакате кисело, сакате здраво? Ова е вистинската супа за вас!
Популарната супа од Азија добива се поголема популарност во Европа. Детокс, диетална и здрава – оваа супа ќе стане дел од вашите оброци.
Состојки:
1 црвена лута пиперка
1 лажичка рендана кора лимон
3 см корен од свеж ѓумбир
1 морков
1 праз
1 лажица сусамово масло
1 лажица оцет
1 л пилешки бујон
1 лажица густин
3 лажици соја сос
малку бибер
Начин на подготовка:
Пиперката исчистете ја од семки и ситно исечкајте ја. Ѓумбирот изрендајте го, морковот исечкајте го на стапчиња, а празот на кругови.
Во тенџере загрејте сусамово масло, па кратко продинстајте ги пипекрата, ѓумбирот, морковот и кората од лимон. Додајте праз па налијте 900 мл супа и лажичка оцет. Во остатокот од супата додајте лажица густин, измешајте и додајте го во супата. Почекајте да зоврие па гответе уште неколку минути. Зачинете со соја сос и бибер.
Добар апетит!