Почнува судењето на 94-годишниот Германец, кој наводно бил чувар во нацистичкиот концентрациски логор Штрутхоф во градот Минстер во Германија. Јохан Ребоген е обвинет за 100 случаи на соучесништво во убиство, а обвинителите велат дека тој знаел дека затворениците во логорот биле брутално убивани.
Тој работел во логорот Штрутхоф покрај полскиот град Гдањск од јуни 1942 до септември 1944 година. Откако почнал да служи војска во военото крило на нацистичката партија, како 18-годишно момче, овозможил ужасни убиства, рекол обвинителот Андрес Брендел.
Во логорот настрадаа 28 000 Евреи, од вкупно 65 000 заробени. Тој признал дека работел во тој логор, но тврди дека не знаел за убиствата.
Судењето ќе трае само два часа дневно поради возраста на обвинетиот.
