Американскиот претседател, Доналд Трамп, денеска на Твитер објави дека медиумите што шират лажни вести се вистински непријател на американскиот народ.
„Во нашата земја постои голем гнев, кој е делумно предизвикан од неточни, па дури и намерно грешни вести. Медиумите кои шират лажни вести се вистински непријател на народот, тие мора да запрат со отворениот и очигледен непријателски став и прецизно и искрено да ги пренесуваат вестите. Со тоа во голема мера ќе се намалат лутината и гневот, а потоа ќе можеме сите страни да ги обединиме во мир и хармонија. Лажните вести мора да престанат!“, порача Трамп, нагласувајќи ги зборовите со големи букви, како што често прави во своите твитови.
