Во кривичниот суд во Скопје продолжува судењето за предметот „Титаник“ на СЈО. На денешното рочиште се репродуцираат необјавени бомби.
Во една од нив од 28 март 2013 година ексминистерот за транспорт и врски, Миле Јанакиески, ѝ врти на тогашната министерка за култура, Елизабета Канческа-Милевска, за да ѝ побара да гласаат вработените во институциите од културата.
„Дајте ми шо треба… За Оливер не е проблем. Ќе дадам налог и ќе си одат да гласаат. Јас ќе му се јавам на Оливер“, вели Канческа.
Миле ја советува дека тоа се вработени во КИЦ, Драмскиот театар, Театарот „Комедија“.
„Одма ќе ги свикам јас ако треба“, му вели ексминистерктата на Јанакиески.
Во друг разговор соговорник на Јанакиески му вели дека Жарко Луковски од „Телеком“ му дал список со броеви од 2.000 луѓе и да се врти кај нив.
Предметот за изборни измами е во фаза на доказна постапка и се изведуваат бомбите на СЈО.
