Чешкиот претседател, Милош Земан, се најде на удар од критки откако на невкусен начин се пошегува со судбината на Џамал Кашоги, новинарот убиен во саудискиот конзулат во Истанбул.
„Ги сакам новинарите и можеби ќе ги поканам на вечера во саудиската амбасада“, рече Земан, а пренесе новинската агенција ЧТК.
Ова не е првпат Земан да дава навредливи или злобни изјави за новинарите.
На состанок со рускиот претседател, Владимир Путин, тој еднаш се пожали дека има премногу новинари и дека тие треба да бидат ликвидирани.
Чешки политичари изразија разочарување од неговата изјава во врска со случајот на Кашоги.
„Непромислен срам“, напиша на Твитер европратеникот Павел Теличка.
Лидерот на конзервативната партија ТОП09, Јири Поспишил, коментираше дека за претседателот не е света дури ни смртта на невин човек.
