Мнозинската волја на народот е јасно изразена. Можат да се бројат само гласовите на оние кои гласаат, порача преку неговиот профил на „Фејсбук“, министерот за надворешни работи, Никола Димитров.
„Ако од над 650.000 граѓани, над 600.000 гласале „за“ тоа е очигледен политички мандат Македонија да оди напред. Поголем од било која претходна победа на било која политичка партија. Дури и да имаше 1 милион излезени гласачи (далеку над цензусот) пак мнозинската волја на народот е јасно изразена. Можат да се бројат само гласовите на оние кои гласаат. Сега останува да се послуша таа народна волја од страна на пратениците во Собранието, согласно програмата на опозицијата каде впрочем се зборува за мнозинство гласови од тие кои гласале. Им должиме на граѓаните иднина! И ќе ја обезбедиме, вака или така!“, порачува министерот.
