Утре во првата половина од денот ќе се задржи топло со умерен југозападен и западен ветер.
Попладне, а особено кон крајот на денот ќе има зголемување на облачноста со услови за краткотраен дожд на северот и западот од земјава. Уште попладнето, почнувајќи од север, ќе започне да дува силен северозападен ветер со брзина од околу 90 км/час, а тоа ќе услови нагло заладување.
Од вторник времето ќе биде претежно сончево, но ветровито со силен северен ветер, како и значително постудено.
Дневната температура во поголем дел од земјава ќе се намали за околу 10, а на места и за 15 степени.
Од среда наутро осетно опаѓање ќе има и кај утринската температура, која на места ќе се спушти и околу нулата. Постепено затоплување ќе има кон крајот на неделата.
Спонзорирано:
