Времето утре ќе биде сончево со мала до умерена локална облачност. Ќе дува слаб до умерен северозападен ветер.
Попладне во источните делови ќе има услови за краткотраен дожд. Вредноста на УВ индексот ќе изнесува 7. Дневната температура ќе се движи од 22 до 33 степени.
Во следните денови ќе преовладува претежно стабилно време со умерен, а од недела повремено засилен северен ветер.
Во попладневните часови не е исклучено да има локален краткотраен дожд, повеќе во планинските региони.
Во сабота попладне ќе има повеќе услови за локален пороен дожд со грмежи.
