Хмељот во пивото виновник за развој на „машки гради“ или гинекомастија

Сите знаеме за терминот „пивски стомак“, но ако сакате да испиете ладно пиво со момците, тоа на вашето тело би можело да се одрази и поинаку.

Имено, пивото со хмељ може да допринесе во развој на машки гради – или гинекомастија, како што таа појава се нарекува.

Како што пишува The Independent, речиси половина од мажите добиваат машки гради, а за тоа се заслужни хормоните, еднакво како и начинот на исхрана и животниот стил.

Пивото со хмељ содржи фитоестрогени соединениија кои природно се појавуваат во билките. Тие содиненија можат да ви помогнат да заспиете ноќе, а можат да им помогнат и на жените во менопауза.

Меѓутоа, тие исто така придонесуваат за развој на машки гради, но и на млитавост и еректилна дисфункција која многу луѓе ја доживуваат откако ќе испијат премногу.