Службеник нападнал странка додека чекала да си ја подигне личната карта

Маж од Скопје пријавил во полиција дека бил физички нападнат во зградата на МРТ од страна на вработен во управната служба за подигнување лични карти.

„Д.М. (38) од Скопје пријавил дека околу 16 часот на улицата Кеј Димитар Влахов, во МРТ – управни служби, додека чекал за подигнување лична карта, бил физички нападнат од страна на вработен“, соопшти МВР во билтенот.

Полицијата презема мерки за расчистување на случајот.