Косовскиот претседател, Хашим Тачи им заблагодари, по пат на „Фејсбук“, на сите лидери и граѓани од таканаречената Прешевска долина.
Тој изрази благодарност до сите кои го поддржуваат соединувањето на Прешево, Бујановац и Медвеѓе со Косово во рамки на, како што рече, корекцијата на границите помеѓу Косово и Србија. Тачи ги повика политичките лидери на Косово да се обединат околу оваа цел.
Исмет Беќири од опозициониот Демократски сојуз на Косово, го обвини Тачи за лицемерие и манипулација со чувствата на сонародниците од Прешевската долина.
„Тие заслужуваат поддршка, треба да се работи повеќе за дискриминираните албански граѓани. Она што не треба е да се манипулира со нивните чувства, емоции и права“, рече Беќири.
Опозицијата смета дека вакво обединување веројатно нема да се случи.