СВР Скопје до надлежното Основно јавно обвинителство во Скопје поднесе кривична пријава против дваесет и деветгодишен скопјанец поради основи на сомнение за извршено кривично дело „тешка кражба“. Пријавениот кривичното дело го извршил во саботата околу 00:30 часот во црквата „Св. Петар и Павле“, лоцирана во с. Горно Лисиче, каде што со употреба на физичка сила насилно го отворил задниот прозорец, влегол внатре и од сандачињата за доброволни прилози во црквата одзел околу 3 000 денари по што го напуштил местото на настанот.
По преземените оперативни мерки утврден е идентитетот на сторителот, кој инаку е познат сторител на имотни деликти на подрачјето на Кисела Вода, за што досега осумпати е кривично пријавуван. Вчера Б.П. бил пронајден и приведен, а по извршен разговор, во целост го признал делото и го појаснил начинот на којшто го извршил.
