Мотоциклист е тешко повреден во сообраќајна несреќа во Тетовско. Според полицијата, вчера во 19.30 часот на регионалниот пат село Јажинце-Тетово се случила сообраќајна незгода помеѓу возило „фолксваген голф“, управувано од Ф.К. (43) од Тетово, и мотоцикл „кумко“, управуван од 17-годишник од Тетово.
Во незгодата мотоциклистот добил тешки телесни повреди и со возило на итната медицинска помош бил пренесен во Клиничката болница во Тетово, но поради сериозноста, тој бил префрлен во комплексот клиники „Мајка Тереза“ во Скопје. Увид на местото на настанот извршила екипа од СВР Тетово и се работи на целосно расчистување на случајот.
Спонзорирано:
