„Ние како 29 членка на НАТО со нашето искуство можеме да помогнеме. Членството во НАТО навистина носи бенефиции. Интегрирањето на земјите од Балканот во НАТО е прилог кон безбеден Балкан, прилог за регионалната безбедност.
Црна Гора по членството во НАТО почувствува бенефит. Денеска имаме поголеми инвестиции отколку што имавме пред членството во НАТО. Безбедноста е и важен економски ресурс. Ако не сте безбедни, не сака никој да вложува. Да гради, да инвестира и земјата не може да напредува. Ние денеска имаме и зголемување на бројот на туристи. Минатата година имавме околу два милиони туристи кои ја посетија Црна Гора, а оваа година очекуваме три милиони. Затоа, мислам дека вашиот пат во НАТО е пат кон подобро и за развој и просперитет на Македонија“, рече Мевљудин Нухоџиќ.
