Во големите поплави кои во југозападниот дел на Јапонија беа предизвикани од обилните врнежи, животот го загубија најмалку 46 лица, додека 47 се водат за исчезнати.
Најтешко погодена е областа Окајама, каде спасувачите се обидуваат да ги извлечат луѓето кои се качени на покривите од поплавените домови, а истовремено вршат евакуација на 360.000 луѓе.
Во одредени делови од Окајама, нивото на водата достигна пет метри, а работата на спасувачите ја отежнуваат автомобилите кои ги носи водата.
Најголем е бројот на жртви во Хирошима, каде исто така имаше големи поплави изминатите денови.
Војската на загрозените подрачја испрати цистерни со вода, а во спасувачките акции учествуваа 48.000 припадници на полицијата, пожарникари и локалните единици за самозаштита.