Во Турција е спроведена акција за апсење на 271 војник во неколку провинции поради сомневање дека се приврзаници на имамот Фетулах Ѓулен. Акцијата почнала во пет часот утрово по локално време и се спроведува против војници кои биле во контакт со оперативците на Ѓулен, пренесува „Ројтерс“.
Меѓу војниците има и полковници, како и пензионирани генерали.
Од 2016 година таквите акции се чести и од тогаш се уапсени 160 000 лица, а приближно ист број се суспендирани или отпуштени од работа. Од нив, 77 000 се обвинети и задржани во притвор за време траењето на судењето.