Метеоролозите најавуваат врнежи и силен ветер – во регионот има невреме, а ова е прогнозата за Македонија

Силно невреме веќе ги зафати Словенија и Хрватска. Временски непогоди се најавени и за во Македонија.

Во текот на утрешниот ден ќе преовладува сончево и топло време, а попладне ќе има услови за изолирана појава на пороен дожд и грмежи.

За време на викендот во попладневните часови, на повеќе места ќе биде нестабилно со пороен дожд и грмежи.

Локално се можни поинтензивни процеси.

Ќе дува умерен до засилен северен ветер кој ќе предизвика опаѓање на температурите за неколку степени, особено во недела.