Пратеникот Ферид Мухиќ од редовите на владејачкото мнозинство гласаше против потребата од ратификување на договорот со Грција по итна постапка.
Собранието со 69 гласа „за“ и 40 „против“ денеска ја утврди потребата од донесување на законот за ратификација на конечната спогодба за решавање на разликата, како што е опишана во резолуциите на Советот за безбедност на Обединетите нации 817 (1993) и 845 (1993), престанување на Привремената спогодба од 1995 година и воспоставување стратешко партнерство.