Гром удри во меѓуградски автобус во североисточниот дел на Грција, предизвикувајќи пожар од кој возилото целосно изгорело, соопшти противпожарната служба на грчкиот град Алескандруполис.
Во моментот на несреќата, во автобусот имало двајца возачи и 12 патници, кои завршиле без повреди бидејќи веднаш го напуштиле возилото.
Автобусот сообраќал на релација од Александруполис до Орестијада.
Во гаснењето на пожарот учествувале 18 пожарникари со шест противпожарни возила.