Американскиот претседател, Доналд Трамп, и првата дама на САД, Меланија Трамп, на Денот на мајката разменија нежности и пофални зборови еден за друг, што не помина незабележано од страна на медиумите.
Ова следуваше кога неименуван инсајдер за „Вашингтон пост“ изјави дека Доналд и Меланија поминуваат многу малку време заедно или речиси воопшто не се гледаат и покрај тоа што често се фотографираат јавно.
Елегантна како и секогаш, Меланија Трамп излезе на сцената од Белата куќа за да им го претстави својот сопруг, американскиот претседател, на толпата луѓе што го чекаа говорот за поддршка на воените брачни другари. Додека Меланија споделуваше љубезни зборови за Доналд, тој ѝ се придружи на подиумот, каде што двојката размени бакнежи, додека се прегрнуваа нежно насмевнувајќи се еден на друг.
Претседателот Трамп ја пофали својата сопруга дека е многу популарна прва дама.
Настанот на Денот на мајката беше одбележан со потпишување извршна наредба признавајќи ги придонесите на воените брачни другари и мајки.
