Силниот ветер кој достигна и до 100 км на час во југозападниот дел од Македонија го разбранува Преспанското езеро, јави PrespaSky.Com
Инаку синоптичарите најавуваат дека утре ќе биде променливо облачно и нестабилно со пороен дожд, грмежи и засилен ветер.
Поинтензивни процеси се очекуваат во раните утрински часови во западните, а околу пладне во источните делови од земјава, каде за кратко време можно е да наврнат над 15 л/м2 дожд.
Попладне облачноста ќе се намали.
Посвежо време со врнежи од дожд, кои на места ќе бидат пообилни ќе има и во текот на наредната работна седмица, освен во вторник кога ќе биде претежно суво.
На планините ќе врне снег.
Во четврток се очекува и значително заладување, па врнежите речиси насекаде ќе бидат од снег.
