Претседателот на Србија, Александар Вучиќ замина во работна посета на Берлин, каде ќе се состане со канцеларката Ангела Меркел.
Вучиќ патува во Белград на повик на германската канцеларка, а со највисоки воени почести ќе биде пречекан во седиштето на шефицата на германската Влада.
Се очекува главни теми на состанокот да бидат билатералните односи, регионалните прашања, како и европските и економско-политичките теми.
Вучиќ вчера на заедничка прес-конференција за новинари со претседателот на Европската комисија, Жан Клод Јункер рече дека е голема чест да се разговара со Ангела Меркел.
По посетата на Берлин, Вучиќ во четврток ќе замине за Софија, каде ќе се сретне со шефицата на европската дипломатија, Федерика Могерини и лидерите од Западен Балкан.
