Верниците кои се водат според Грегоријанскиот календар, денеска го одбележуваат Раѓањето Христово-Божик.
Централната прослава традиционално се оджа во Католичката црква „Пресвето срце Исусово“ во Скопје, каде синоќа имаше божикна полноќна литургија.
На литургијата присуствуваше претседателот на Република Македонија, Ѓорге Иванов, како и делегација на Владата предводена од заменик-претседателот на Владата задолжен за економски прашања, Кочо Анѓушев, заедно со Бујар Османи, Едмонд Адеми и Цветанка Ласкова.
Со светата литургија чиноначалствуваше Киро Стојанов, Бискуп Скопски и Апостолски Егзарх на Светата Столица во Република Македонија.
Денеска Божик слават и Грчката, Бугарската, Романската, Украинската и Грузиската православна црква, кои го прифатија Грегоријанскиот календар.