32.8 C
Скопје
3. јули 2022
Centar.mk – Вести, бизнис, забава, спорт…
Свет

ЕУ не го менува ставот за Каталонија, без оглед на резултатите од изборите

Европската Унија нема да го промени својот став за Каталонија по изборите на кои партиите што се залагаат за независност освоија мнозинство во регионалниот парламент.
„Нашиот став во врска со прашањето за Каталонија е добро познат и често се повторува на сите нивоа. Тој нема да се промени“, изјави портпаролот на Европската комисија, Александер Винтерштајн.
Бидејќи станува збор за регионални избори, додаде тој, Европската комисија нема да ги коментира остварените резултати.
Врз основа на 99,8 отсто преброени гласови, трите партии што се залагаат за независност на Каталонија освоиле 70 места во парламентот на овој шпански регион кој брои 135 пратенички места.
Колку за потсетување, Европската комисија претходно одржаниот референдум за независност на Каталонија го прогласи за неуставен.