Секторот за внатрешни работи Битола поднесе кривична пријава против С.И. на возраст од 39 години и 59-годишниот Д.Ш., двајцата од Битола, и правно лице од Битола поради постоење основи на сомнение за сторено кривично дело „злоупотреба на службената положба и овластување“.
Во периодот од 1 јануари 2015 година до 31 март годинава, како што инфомираат од полицијата, првопријавениот, како директор на ЈП „Жабени”, и второпријавениот, како раководител на инфраструктура во ЈП „Жабени”, преку третопријавеното правно лице, како овластено сметководствено биро на ЈП „Жабени”, за сопствени плати исплаќале износи повисоки од износите во договорот за вработување на истите, со што се стекнале со противправна имотна корист од 421.077 денари на штета на буџетот на јавното претпријатие.
